生活夯話題

「有冇興趣？有冇興趣？o靚妹陀地，就快收工，過咗就冇o架嘞！」「陀地十八歲，兼職嚟o架，睇吓吖，冇性（興）趣可以走o架！」旺角上海街、豉油街及新填地街「馬檻」雲集，單是新填地街已有近十間。每晚深宵時分，不少「熱情」馬伕在街頭向路過的單身男士兜搭。記者經多晚觀察，發現芸芸馬伕中，有一、兩名貌似未成年的馬伕駐場，有的看上去只有十五、六歲。

操控九囡囡吸盡皮肉錢

其中一名自稱阿峰的馬伕，身穿恤衫、西褲打領呔，看上去似足中學生。他向記者推介當晚有多名新到「靚女o靚妹」，並帶記者到廣東道一樓上架步「睇辦」。記者甫到達，「大廳」內已有四名客人在等候「揀女」。阿峰斯文有禮，招呼及陪伴記者到一房間內等候。

為免悶親記者，阿峰主動找話題，稱自己雖然未夠二十歲，但已非新丁，他旗下有八、九名「囡囡」，年齡介乎十八至二十四歲，若客人要求「中女」，他會另作安排，「我哋（馬伕）好多都好後生，依家要走後生路線嘛！」

阿峰不但服務貼心，更讓記者見識他有文化，一名外籍男子前來光顧，阿峰即以流利英語招呼，告訴該名外籍客人有「靚女」正前來，要求稍等一會。數分鐘後，阿峰帶同五名妓女讓記者「睇辦」，及後記者以「今日啲囡唔係好啱」藉詞離開，阿峰並未阻撓，還有禮地回應：「唔緊要，下次嚟睇過，我哋依家講Service（服務），唔會逼啲客做o架！」據其他馬伕透露，阿峰自稱剛畢業的中七學生，已報讀大學。

在記者的另一次「放蛇」行動中，接觸到另一名潮人打扮的年輕馬伕，他身穿T恤、短褲及潮款黑布鞋，外表看年約十八歲，他熟練地落力推銷，「今日陀地、北妹OK喎！三百六蚊，泰妹三百。」記者發現不少年輕嫖客，見他「啱嘴形」，紛紛上樓光顧。

智能手機路邊睇辦揀女

油尖旺區區議員許德亮表示「依家啲馬伕連大學學歷都有！」他過去曾經訪問區內馬伕，當中有人向他透露，馬伕抽佣連拆帳，薪金每月可高達七萬元，相信是馬伕年輕化的其中一個原因，許稱：「分兩批，一種仲係老一輩營運，一種就由後生仔搞，佢哋會帶人上酒店（開房），所以會着得光鮮啲。」另外，現時不少馬伕利用新科技通訊器材，在路邊以智能手機供客「睇辦揀女」。許又指出，警方雖加強巡查，但「唔知點解查牌嗰陣，好多時啲人（馬檻）都會知。」

執業大律師陸偉雄稱，聲稱提供有償性服務的馬伕，已干犯誘使他人作不道德行為、協助或教唆他人犯罪，以及依靠他人賣淫的收入為生等多項刑事罪行，即使未滿十八歲，亦有機會處以成年刑罰。